Спиридон Тримифунтский, он же Спиридон Саламинский (вероятно, так называют его ошибочно), в православном мире является высокопочитаемым Святым, которому молятся с просьбами о помощи в бытовых вопросах. Его так назвали в честь города Тримифунт, что на острове Крит. После смерти жены его избрали епископом. Спиридон Тримифунтский сотворил множество чудес, в число которых входит избавление острова от засухи. Он также при жизни прославился оправданием невинно осуждённых и оклеветанных. В связи с тем, что Спиридон в своё время разрешил много бытовых проблем, молятся ему в основном, с бытовыми нуждами. Кроме того, он показал людям образец трудолюбия. Будучи епископом, он продолжал пасти овец, чем занимался с самого детства. Сан епископа позволял Спиридону не работать вообще, но он работал до скончания дней своих пастухом овец. Когда ему было более семидесяти лет, он молился Богу, и во время молитвы испустил дух. Верующие, среди прочих бытовых вопросов, просят у него и финансового благополучия.

Молитва первая:

«О, преблаженне святителю Спиридоне, великий угодниче Христов и преславный чудотворче! Предстоя на небеси Престолу Божию с лики ангелов, призри милостивым оком на предстоящия зде (имярек) и просящия сильныя твоея помощи. Умоли благосердие Человеколюбца Бога, да не осудит нас по беззаконием нашим, но да сотворит с нами по милости Своей! Испроси нам у Христа и Бога нашего мирное и безмятежное житие, здравие душевное и телесное, земли благоплодие и во всем всякое изобилие и благоденствие, и да не во зло обратим благая, даруемая нам от щедраго Бога, но во славу Его и в прославление твоего заступления! Избави всех верою несумненною к Богу приходящих, от всяких бед душевных и телесных, от всех томлений и диавольских наветов! Буди печальным утешитель, недугующим врач, в напастех помощник, нагим покровитель, вдовицам заступник, сирым защитник, младенцем питатель, старым укрепитель, странствующим путевождь, плавающим кормчий, и исходатайствуй всем, крепкия помощи твоея требующим, вся, яже ко спасению полезная! Яко да твоими молитвами наставляеми и соблюдаеми, достигнем вечнаго покоя и купно с тобою прославим Бога, в Троице Святей славимаго, Отца и Сына и Святаго Духа, ныне и присно и во веки веков. Аминь».

Молитва вторая:

«О, великий и пречудный святителю Христов и чудотворче Спиридоне, Керкирская похвале, всея вселенныя светильниче пресветлый, теплый к Богу молитвенниче и всем, к тебе прибегающим и с верою молящимся, скоропредстательный заступниче! Ты веру Православную на Никейстем Соборе посреде отцев преславно изъяснил еси, ты единство Святыя Троицы чудесною силою показал еси и еретиков до конца посрамил еси. Услыши, святителю Христов, нас грешных, молящихся тебе, и сильным твоим предстательством у Господа избави нас от всякаго злаго обстояния: от глада, потопа, огня и смертоносныя язвы. Ты бо во временней жизни своей от всех сих бедствий избавлял еси люди твоя: от нашествия Aгарян и от глада страну твою сохранил еси, царя от неисцельнаго недуга избавил, и многая грешники к покаянию привел еси, за святость же жития твоего ангелы невидимо в церкви поющия и сослужащия тебе имел еси. Сице убо прослави тебе, вернаго Своего раба, Владыка Христос, яко вся тайная человеческая деяния дарова тебе разумети и живущия же неправедно обличати. Многим, в скудости и недостаточестве живущим, ты усердно помогал еси, люди убогия изобильно во время глада напитал еси, и иная многая знамения силою в тебе живущаго Духа Божия сотворил еси. Сице и нас не остави, святителю Христов, поминай нас, чад своих, у Престола Вседержителя, и умоли Господа, да подаст многих наших грехов прощение, безбедное и мирное житие да дарует нам, кончины же живота непостыдныя и мирныя и блаженства вечнаго в будущем веце сподобит нас, да непрестанно возсылаем славу и благодарение Отцу и Сыну, и Духу Святому, ныне и присно и во веки веков. Аминь».